معاكم حافظ البادي ، عرفت عالم الريادة والتسويق من اول ما طلعت على الدنيا

أَسست أول عمل لي بعمر ١٨ سنة في تجارة السيارات ، وبعدها توالت المشاريع في مختلف القطاعات من الصحة ، النقل ، الإنشائات ، الموضة للرجال والنساء ، وصولاً لتأسيس ثاني افضل شركة ناشئة على مستوى الوطن العربي في عام ٢٠٢٣ ، وتمثيل بلادي عمان في محافل خليجية وعربية .

صنعت وسوقت محتوى وصل لاكثر من مليون مشاهدة وطلع آلاف الريالات خلال السنوات الماضية ، في اكثر من ٩ قطاعات مختلفة ، من المحتوى الكتابي ل سوشال ميديا وصولاً للظهور في تلفزيون سلطنة عمان ٤ مرات مختلفة .

وتوقع شو كان الشي رقم #١ الي تعلمته الي تعلمته خلال هذي الرحلة ... ؟ 👈 أي فكرة وأي مشروع ممكن يوصل لكل الي يطمح له وزود ، ما تحتاج آلاف الريالات عشان تخلي حلم حياتك يصير واقع ، كل الي تحتاجة هوه رسالة مميزة مختلفة وسبب يدفع الناس يؤمنوا فيك ويسمعوا منك ، بعد ما فهمت هذي الاساسيات ، كانت حدودنا تتخطى السماء ، ما فيه شيء ما نقدر نوصل له ونخليه واقع ،،

وهذا الشيء بالذات ، ألهمني انا وزميلي عشان نطلق شركة تسويق ، وننشئ النظام الاول على مستوى العالم الي يسمح لشركات انها تنمو بأسرع طريقة ممكنة بأنها توصل للناس في الحاجة الاشد لها ، بغض النظر عن حجم الشركة ومجال عملها .

بس اعرف ، في الغالب انتوا ما تهتمو من انا ، او ليش اطلقنا شركة تسويق ... الحين، كل الي تهتموا فيه هو كيف نقدر نساعدكم! ، طيب ،، من لما بدينا اعتبرنا كل مشروع نشتغل معاه جزء منا ونجاحه هو نجاحنا ، قدمنا حل مخصص تماماً لكل واحد فيهم ، وتابعنا معاهم لحد ما كانت النتائج فوق المتوقع ، والاشخاص الي تعاملنا معاهم للحين مذهولين من كل شيء حصلوه من معانا.